४४ औं प्रधानमन्त्री बन्दै: प्रचण्ड

 

ने क पा माओवादी केन्द्र का अधक्ष्य पुष्पकमल दाहाल प्रचण्ड ७ दल र स्वतन्त्र समेत गरी १७९ सांसद काे समर्थन सहित देशको ४४ औं प्रधानमन्त्री बन्ने भएका छन्।

  सत्ता गठबन्धनमा शेर बहादुर देउवा संग कुरा नमिले पछि ए मा ले अधक्ष्य के पि शर्मा ओली ओली संग बार्ता गरेका प्रचण्ड ७ दल र तीन स्वतन्त्र सांसद सहित तेस्रो पटक प्रधानमन्त्री बन्नलागेका हुन्।

     उनी यस अघि २०६५ साउन देखि २०६६ वैशाख २९ गते सम्म र २०७३ साउन १९ देखि २०७४ जेष्ठ २३ गते सम्म प्रधानमन्त्री बनेका थिए।

  बालकोट स्थित ए मा ले अधक्ष्य ओली काे निवासमा आईतबार दिउँसो बसेको बैठक ले ७ दल काे सहमतिमा प्रचण्डलाई प्रधानमन्त्री काे रूपमा अघि सार्ने निर्णय गरेको हो।

नेकपा माओवादी केन्द्रका अध्यक्ष पुष्पकमल दाहाल ७ दल र स्वतन्त्रसहित १७९ सांसदको समर्थनसहित मुलुकको ४४ औं प्रधानमन्त्री बन्ने भएका छन्।

सत्ता गठबन्धनमा कांग्रेस सभापति शेरबहादुर देउवासँग कुरा नमिलेपछि एमाले अध्यक्ष केपी शर्मा ओलीसँग बार्ता गरेका प्रचण्ड ७ दल र ३ स्वतन्त्र सांसदसहित तेस्रो पटक प्रधानमन्त्री बन्न लागेका हुन्।

उनी यसअघि २०६५ साउनदेखि २०६६ वैशाख २१ गतेसम्म र २०७३ साउन १९ देखि २०७४ जेठ २३ गतेसम्म प्रधानमन्त्री बनेका थिए ।

बालकोटस्थित एमाले अध्यक्ष ओली निवासमा आइतबार दिउँसो बसेको ७ दलको बैठकले प्रधानमन्त्रीमा प्रचण्डलाई अघि सार्ने निर्णय भएको हो।

२७५ सांसद रहेको प्रतिनिधि सभामा प्रचण्डलाई एमाले, माओवादी केन्द्र, रास्वपा, राप्रपा, जसपा, जनमत , नागरिक उन्मुक्ति पार्टी र स्वतन्त्र सांसद अमरेशकुमार सिंह, प्रभु साह र किरणकुमार साहले समर्थन दिएका हुन्।

प्रचण्डलाई नेकपा एमालेको ७८, माओवादी केन्द्रका ३२, राष्ट्रिय स्वतन्त्र पार्टीका २०, राष्ट्रिय प्रजातन्त्र पार्टीका १४, जनता समाजवादी पार्टीका १२, जनमत पार्टीका ६, नागरिक उन्मुक्ति पार्टीका ४ र ३ स्वतन्त्रसहित १६९* सांसदले समर्थन गरेका छन्।

 सात दलबीच भएको सहमति अनुसार एमाले अध्यक्ष ओली र माओवादी केन्द्रका अध्यक्ष प्रचण्ड आधा आधा कार्यकाल प्रधानमन्त्री हुने भएका छन्। 

राष्ट्रपति, उपराष्ट्रपति, सभामुख, उपसभामुखसहितका पदहरुको भागवण्डा भने मिलिसकेको छैन।

प्रचण्ड संविधानको धारा ७६ (२) अनुसार दुई वा दुईभन्दा धेरै दलहरुको समर्थनमा प्रधानमन्त्री हुन लागेका हुन्। 

मंसिर ४ को निर्वाचनमा राष्ट्रपति विद्यादेवी भण्डारीले संविधानको धारा ७६ (२) अनुसार सरकार बनाउन आह्वान गरेकी थिइन्।

उनले दिएको समय आजै साँझ ५ बजे सकिएको छ। समय सकिनुअघि नै प्रचण्ड शीतल निवास पुगेर आफ्नो दाबी पेश गरेका हुन्।